Nga mbrëmja e sotme, në të gjithë territorin e vendit do të ketë një mot të kthjellët dhe një rritje të lehtë të temperaturave. Është ky parashikimi i meterologëve, sipas të cilëve pas shirave të mëngjesit të sotëm, parashikohet një tjetër situatë në ditët në vijim.
Zonat Veriore dhe Qendrore mbeten me kthjellime dhe vranësira të shpeshta, deri në mesditë, duke u rrezikuar nga shira të dobët dhe afatshkurtër, por kthjellime e vranësira kalimtare dominojnë zonat jugore.
Orët e pasdites vijojnë me kthjellime dhe vranësira të lehta në zonat jugore ndërsa përmirësohen kushtet e motit në zonat qendrore dhe veriore ku ende do të ketë alternime kthjellimesh me vranësira të herë pas hershme.
Sipas MeteoAlb, temperaturat e ajrit ruajnë vlera konstante gjatë mëngjesit, ndërsa si pasojë e kthjellimeve, një rritje të lehtë të temperaturave sjellin orët e mesditës.
Era do të fryjë kryesisht mesatare, me shpejtësi 34 km/h nga drejtimi veriperëndimor dhe verior duke gjeneruar në det, dallgëzim 2- 3 ballë. /tesheshi.com/
