Në përfundim të seancës parlamentare, kreu demokrat Lulzim Basha ka mbledhur grupin parlamentar për përcaktimin e strategjisë që do të ndiqet nga opozita, pas përplasjeve të ditës së sotme në sallën e Kuvendit.
Në një prononcim për mediat, i shoqëruar edhe nga deputetët e PD-së, Basha ka paralajmëruar nisjen e një aksioni opozitar kundër Edi Ramës dhe Gramoz Ruçit.
Kreu demokrat tha se me veprime të tilla demokracia dhe paqja sociale është në rrezik, ndaj dhe do të përcaktohen të gjitha hapat për të mos lejuar rikthimin e diktaturës.
Basha tha se mbyllja e gojës opozitës në Kuvend do të thotë se po tentohet që ky institucion të kthehet në diktaturë.
“Nuk do të lejojmë që Gramoz Ruci dhe Edi Rama ti kthejnë 30 vite pas orët e Shqipërisë”, tha Basha duke ju drejtuar jo vetëm demokratëve por edhe qytetarëve, duke nënkuptuar edhe mbajtjen e protestave. /tesheshi.com/
