Të gjitha fluturimet ndërkombëtare dhe drejt Erbilit, kryeqytetit të Kurdistanit irakian, do të ndërpriten duke nisur nga dita e nësërme në mbërmje pas një vendimi të pushtetit qendror në Bagdad, konfirmoi sot një zyrtar.
“Ndërprerja do të ndodhë duke nisur nga dita e premte në orën lokale 18:00 (15:00 GMT)”, deklaroi drejtoresha e aeroportit, Talar Faiq Saleh.
Qeveria e kryeministrit, Haider Abadi kishte kërcënuar me marrjen e masave kundër rajonit autonom të Kurdistanit verior për organizimin e një referendumi për pavarësinë konsideruar i paligjshëm nga Bagdadi.
“Të gjitha fluturimet ndërkombëtare, pa përjashtim, nga dhe drejt Erbilit do të ndërpriten duke nisur nga e premtja në orën 18:00 (15:00 GMT) pas vendimit të Këshillit irakian të Ministrave dhe kryeministrit Haider al-Abadi”, theksoi Saleh.
Një tjetër aeroport ndërkombëtar, më pak i rëndësishëm, ndodhet në Kurdistanin irakian, në Sulejmaniah.
Aeroportet e Erbilit dhe të Sulejmaniah janë nën autoritetin e aviacionit civil irakian. /tesheshi.com/
