I ftuar në Studio e Hapur e gazetares Enis Vasili, deputeti Ben Blushi është rrekur të shpjegojë dhe njëherë motivet që e shtynë të ikte nga PS-ja.
“Ajo pushoi së qëni një parti demokratike”, tha Blushi. Ndërsa Ramën e quajti në një moment edhe sovjetik, ndërkohë që për qeverisjen e tij tha se nuk ka asgjë të majtë.
Por Blushi i është përveshur dhe Berishës kur tha për ish-liderin demokrat se ai është një komunist. Kjo pasi në emision u transmetua një sekuencë me Berishën që thoshte për Blushin se sa më shumë rritej, aq më i majtë bëhej dhe se të qënit i majtë ishte një fatkeqësi. “Ky është një komunist që më thotë mua i majtë!”, bëri ironi ish-deputeti socialist, dikur në PD e RD në fillimet e pluralizmit. Blushi edhe njëherë shpalosi atë që e konsideron vizion të tij politik për ta qverisur ndryshe vendin, ndërkohë që theksoi se në asnjë rast nuk do e jepte votën e tij për Edi Ramën.
Përballë tij për ta mbajtur nën tensionin e pyetjeve ishin zgjedhur gazetarët Alfred Lela dhe Robert Rakipllari. /tesheshi.com/
