Lulzim Basha, kryetar i PD-së, duket se ka marrë një vendim pas përplasjeve që u shkaktuan në mbledhjen e djeshme të kryesisë së kësaj partie.
Basha shkruan se PD ka vetëm një kundërshtar, që nuk është thjeshtë një person, por aleanca e krimit. Në vijim ai sqaron se është marrë një vendim për konsultim me bazën me qëllim forcimin dhe përballjen me Edi Ramën.
“Dhe ne jemi përballë, si aleanca e vlerave. Në këtë aleancë ka vend për mendimin kritik, për debat dhe marrjen e vendimeve siç u mor sot; vendim unanim për të nisur menjëherë një proçes analize dhe konsultimi me bazën demokrate me qëllim forcimin, reformimin, bashkimin dhe përballjen me Edi Ramën dhe qeverinë e dalë përmes tjetërsimit kriminal të vullnetit të shqiptarëve”, shkruan Basha. /tesheshi.com/
