Ish-kryeministri Sali Berisha akuzoi kryetarin e Kuvendit, Gramoz Ruçi, se po përdor metoda të vjetra të policisë sekrete për të drejtuar Parlamentin. Reagimi i Berishës erdhi pas vendimit të Ruçit për të përjashtuar Lulzim Bashën, kreun e PD-së, nga seanca.
Berisha tha se me këtë mënyrë të drejtimit të Kuvendit, qeverinë nuk do e kapë muaji dhjetor.
“Shumica po tregon se dhjetori siç e ka nisur nga frika dhe tmerri, nuk e zë. Kanë frikë nga fjala. Çfarë po kërkon opozita aty? Kërkon që komisioni në dritën edhe të raportit të OSBE të bëjë një diskutim. Këta nuk duan diskutim. Gramoz Ruçi po fut në parlament metodat e vjetra të policisë sekrete hoxhiste në drejtimin e saj. E paralajmëroj të heqë dorë se janë absolutisht të patolerushme”, tha Berisha. /tesheshi.com/
