Pas përfundimit të takimit mes krerëve të koalicionit të majtë, disa deputetëve e ministrave të këtij koalicioni, ministri Arben Ahmetaj deklaroi se mes aleancës ka dakortësi të plotë për të gjitha çështjet.
Ai bëri me dije se në këtë takim u diskutua buxheti në tërësi dhe si dhe detajet e neneve të tij, të cilat do të votohen javën e ardhshme në kuvend
“Javën që vjen diskutohen nenet e buxhetit dhe të paketës fiskale”,- tha Ahmetaj.
Duke folur për Kodin Zgjedhor, ai bëri me dije se u ra dakord të ngrihet komisioni për reformën zgjedhore. “Ka dakortësi të plotë të aleancës. Aleanca është në një mendim unik dhe unison”,- deklaroi ministri.
Për buxhetin e parashikuar për pushtetin vendor , Ahmetaj bëri me dije se ka një rritje të konsiderueshme të fondeve me 48 miliard. “I është dhënë një shumë e konsiderueshme për administrim pushtetit vendor. Është rënë dakord për riformulimin e taksës së infrastrukturës”,- ishin fjalët e Arben Ahmetaj.
Në vijim ai u shpreh se edhe Shëtim Idrizi është pjesë e aleancës dhe mendimi i aleancës është unik./tesheshi.com/
