Qeveria shqiptare që është në detyrë deri më shtator kur krijohet qeveria e re ka një përbërje të papreçedentë, ku pothuajse të gjitha partitë janë pjesë e saj.
Partia Demokratike në opozitë më në fundt tërhoqi sot ministrat e saj teknikë që u emëruan pas marrëveshjes së 18 majit.
Po ashtu Partia për Drejtësi Integrim dhe Unitet ka vendosur tërheqjen e zv/ministrave nga kabineti qeveritar, pasi nuk ishte e përfaqësuar në nivel ministror.
Sot ka dhënë dorëheqjen numri dy në Ministrinë e Jashtme Halil Hyseni, i cili ishte emëruar si zëvendës/ministër në tetor të 2015, duke zëvendësuar në këtë detyrë Alqi Pulon e PBDNJ-së.
Kërkesa për lirimin nga detyra i është drejtuar kryeministrit Rama. Në kërkesën për dorëheqje Hyseni argumenton se “emërimi im është bërë në kontekst politik dhe situata aktuale e pamundëson vijimin e detyrës”.
Vetëm Lëvizja Socialiste për Integrim, partia që po bën më shumë opozitë kundër qeverisë vijon të qëndrojë fort në kabinet duke i mbajtur ministrat e saj në detyrë./tesheshi.com/
