Pas Presidentit të Shteteve të Bashkuara të Amerikës, edhe Hillary Clinton, kandidatja për kreun e Shtëpisë së Bardhë ka bërë apel për qëndrimin e Britanisë së Madhe në Bashkimin Europian.
“Të dashur britanikë, qëndroni në BE. Duam një Mbretëri të Bashkuar në Unionin Europian”, – ka thënë Clinton në një deklaratë për Observer e Guardian, e udhëzuar nga këshilluesi i saj politik, Jake Sullivan, i cili me shumë mundësi do të jetë në krye të sigurisë kombëtare të Shtëpisë së Bardhë, nëse Clinton fiton zgjedhjet.
“Hillary Clinton është e bindur se operacioni transatlantik është shumë i rëndësishëm dhe ky bashkëpunim është në maksimumin e forcës së tij kur Europa është e bashkuar. Gjithmonë i ka kushtuar rëndësi zërit të Britanisë në Bashkimin Europian”, – shkruan Guardian.
Më herët vetë Obama ishte prononcuar kundër një Brexit të mundshëm, i bindur se dalja e Britanisë së Madhe nga BE do të dobësonte institucionet europiane. /tesheshi.com/
