Pasi ka siguruar ndërtimin e një copëze Dubani në Durrës, mazhoranca po tenton të sigurojë dhe më shumë benefite nga Emiratet, një prej vendeve të Gjirit ku ajo ka hedhur grepat e saj për investime në Shqipëri.
Kështu, nr. 2 i PS-së, Taulant Balla, në një intervistë për median shtetërore të Emirateve, e vlerësoi me superlativa këtë vend.
“Ne nuk do të harrojmë qëndrimet fisnike të Emirateve të Bashkuara Arabe ndaj Shqipërisë dhe popullit të saj. Kur tërmeti 2019 goditi vendin tonë, Emiratet e Bashkuara Arabe ishin ndër vendet e para që na ndihmuan të rindërtojmë dhe rindërtojmë rreth 2,000 shtëpi, përveç ndihmës mjekësore për të mbështetur përpjekjet e ndihmës . Emiratet e Bashkuara Arabe ndihmuan gjithashtu në rinovimin e Aeroportit Zayed në Cox, Shqipëri,” shprehet Balla
Ai shkon dhe më tej në promovimin e vendit arab, duke e cilësuar atë si ndër vendet kryesorë prej të cilit buron paqja, toleranca, bashkëjetesja dhe stabiliteti në rajon, një rol që sipas Ballës e luan dhe Shqipëria në Ballkan.
Ai madje veçoi nevojën pëe linjë ajrore mes Abu Dhabit dhe Tiranës për të rritur turizmin dhe shkëmbimet tregtare midis dy vendeve.
“Vendndodhja strategjike e Shqipërisë në Ballkan ndihmoi në krijimin e saj si një nga destinacionet turistike më premtuese për shkak të historisë së saj të pasur dhe peisazheve të bukura natyrore|, shpjegoi ai më tej Balla.
Ai tha gjithashtu se Expo 2020 Dubai, e cila do të fillojë në Emiratet e Bashkuara Arabe në Tetor, 2021, do të jetë ngjarja më e madhe, më e rëndësishme globale që do të zhvillohet gjatë këtij viti.
“Përmes pjesëmarrjes sonë në këtë ekspozitë globale, ne do të nxjerrim në pah mundësitë dalluese të investimeve të Shqipërisë, duke tërhequr atraksionet turistike dhe burimet natyrore,” vazhdoi Balla, duke shtuar se Expo 2020 Dubai është një platformë monumentale globale që shërben për të forcuar bashkëpunimin dhe partneritetin midis kombeve të botës. /tesheshi.com/
