Një numër i madh i banorëve në Zelandë të Re i kanë dorëzuar armët e zjarrit duke ndjekur një skemë që synon të çlirojë vendin nga çdo përsëritje e tmerrit të Christchurch.
Pas tragjedisë që tronditi botën me 51 jetë të humbura, qeveria, me mbështetjen e partive opozitare, menjëherë vendosën legjislacionin e ri për të shtrënguar ligjet për mbajtjen e armëve në vend. Pronarët e armëve kanë kohë deri më 20 dhjetor që të dorëzojnë armë të paligjshme nën një marrëveshje amnistie.
Kompensim prej 290,300 dollarësh
Të rrethuar me policinë e armatosur që monitoron dorëzimin, 169 pronarë të armëve të zjarrit dorëzuan 224 sosh dhe 217 pjesë dhe pajisje të tjera armësh.
Më shumë se 290,300 dollarë janë paguar në kompensim.
Komandanti i policisë rajonale Mike Johnson tha se 903 pronarë të armëve në rajonin e Canterbury, që përfshin Christchurch-in, regjistruan 1,415 armë zjarri që do të dorëzoheshin.
“Policia pranon se ky është një ndryshim i madh për komunitetin e armëve të zjarrit që i bindet ligjit dhe po dëgjojmë reagime vërtet pozitive nga njerëzit që vijnë sot “, tha Johnson. “Qëndrimi i pronarëve të armëve të zjarrit Canterbury ndaj këtij procesi ka qenë i jashtëzakonshëm”.
Pas skadimit të amnistisë, posedimi i armëve të zjarrit do të dënohet deri në pesë vjet burgim. /tesheshi.com/
