Tre ditë pas miratimit, reforma për drejtëi është kthyer sërish në qendër të debatit politik në Shqipëri. Nga Kukësi ku ndodhet për një vizitë, shefja e Zyrës së BE-së në Tiranë, Romana Vllahutin, tha se reforma do implementohet pikë për pikë. Sipas saj, ndërkombëtarët do e ndjekin të gjithë proçesin e zbatimit konkret të saj.
Ndërkohë, në parlament, Rama e Berisha janë përfshirë në replika duke patur në qendër reformën.
Ish-kryeministri ia atribuoi miratimin e saj PD-së dhe LSI-së, duke pretenduar nga ana tjetër se mazhoranca u përça për shkak se një pjesë e saj nuk donte kapjen e drejtësisë, duke nënkuptuar me këtë Metën karshi Ramës.
Ndërsa ky i fundit, nuk ishte “kaq serioz” në replika, duke qëlluar rivalin e tij politik me batuta rasti.
“Fakti që në ditë pushimi bën fjalime me shkrim, tregon se sa i lumtur ndihesh që kaloi reforma”, ishte një ndër frazat e Ramës. /tesheshi.com/
