Pas Memaliajt me tre të vrarë në një krim tipik mafioz, ku dy viktima ishin të rastësishëm, është Gramshi, një tjetër qytet i vegjetueshëm shqiptar që tronditet nga një prej një akti me natyrë kriminale.
Më saktë, një automjet ka shpërthyer në lëvizje, me dy vëllezër brenda, duke lënë të plagosur të dy, si dhe duke sjellë dëme të madhë materiale përreth, me xhamat e thyera të pallateve.
“Rreth orës 17:20, në lagjen ‘Xhile Liçi’, Gramsh, automjeti tip Ford Focus, që drejtohej nga shtetasi A. M., gjatë kohës që automjeti ka qenë në lëvizje, në rrethana ende të pa qarta ka shpërthyer.
Si pasojë është dëmtuar shtetasi A. M. dhe pasagjeri shtetasi E. M. (vëllezër), të cilët janë transportuar për ndihmë mjekësore në spital”, njofton policia.
Bëhet fjalë për Algert dhe Eraldi Mina, ku njëri zotëron një lokal dhe tjetri një mobilieri.
Që të dy janë transportuar me helikopter rejt Tiranës, në betejë për jetën.
Paraprakisht raportohet se asnjëri prej tyre nuk njihej si person problematik. /tesheshi.com/
