Astrit Patozi, ish-deputet i PD-së, ka paralajmëruar Lulzim Bashën, se shumë shpejt do të largohet nga posti i kryetarit të partisë më të madhe opozitare.
Në një deklaratë për mediat, Patozi e ka cilësuar mbledhjen e djeshme të kryesisë së PD, si pasqyrën e vërtetë të degradimit në të cilën ka rënë kjo parti.
Patozi është shprehur se ditën e djeshme të gjithë e kuptuan mentalitetin bolshevik të Lulzim Bashës.
“Mbledhja ishte pasqyrë e degradimit të PD. Cilësia dhe përmbajtja e debatit është problemi. Basha tregoi se ka mentalitet bolshevik.
Ne do t´i imponohemi me të gjithë forcën tonë dhe unë kam bindjes se janë të shumtë ata demokratë që kërkojnë një PD ndryshe.
Ne do të imponohemi me presionin që anëtarësia e PD-së e revoltuar, do të detyrojë zotin Basha që të marrë një qëndrim tjetër”, tha Patozi. /tesheshi.com/
