Një fakt ri që ka dalë në dritë së fundi lidhur me deputetin Mark Frroku, e ka kompromentuar rëndë ish-qeverisjen e djathtë, atë të para 23 qershorit. Dje, u publikua e dhëna se Frroku, veç përfoljes si i dënuar në Belgjikë për një vrasje në vitin 1999, paska qenë i dënuar dhe për një rrahje në vitin 2012, në një lokal të lagjes Kombinat.
Për këtë akt, ai është dënuar më gjobë, por që kur ka dërguar dëshminë e penalitetit në KQZ, sipas Kodit Zgjedhor, ka rezultuar krejtësisht i pastër.
Sipas një “investigimi deduksional” të medias, këtë dëshmi Frroku e ka marrë nga Ministria e Drejtësisë që në atë kohë drejtohej nga Eduart Halimi, sot një ndër deputetët më aktivë të opozitës, sidomos përsa i përket akuzave të lëshuara karshi mazhorancës si e kriminalizuar, e po ashtu i angazhuar me proçesin e dekriminalizimit.
Nëse nuk do e kish siguruar dëshminë, Frroku nuk do kish mundur të kandidonte pas atij dënimi, brenda një afati kohor dy-vjeçar, siç parashihet në Kodin Zgjedhor.
Kjo e dhënë e re, e kompromenton opozitën e sotme – dje në pushtet – po as sa ç`kompromenton dhe mazhorancën e sotme, e cila, edhe pse në dijeni të akteve me elementë kriminalë të deputetit Frroku, ka preferuar të heshtë, për t`u zgjuar sot, e diktuar nga zhvillime që e kanë njollosur jo pak imazhin e saj. Sidomos atë parlamentar. /tesheshi.com/
