Mediat serbe kanë hapur faqen e parë të ditës së sotme me Kumanovën, duke dhënë një hapësirë të madhe jo të ngjarjes por të teorive konspirative që rëndom nxjerrin tabloidët e Beogradit, sa herë ka situatë ku në mes janë shqiptarët. Dhe realisht titujt janë haluçinantë: Blic e një dite më parë shkruan: “Troket në derë Shqipëria e Madhe”. Ndërsa Blici sot thekson: Shërbimi serkret Serb paralajmëroi autoritetet e Shkupit se shqiptarët kanë përgatitur një komplot të madh. E tmerrshmja Informer shkon edhe më larg: “Luftë nën drejtimin e Amerikës”. Kurse Kurrir ka vendosur titullin e madh: “Lufta totale fillon më 12 Maj”. Dhe si foto ka një njeri me maskë, me iniformë, ku diku mes ballit ka një stemë të UÇK-së. Të gjitha këto media tabloide që janë pranë qeverisë sa herë ka problem shpërthejnë me tituj sensacionale, siç bënë në ndeshjen Serbi Shqipëri ku akuzuan vëllain e Kryeministrit Rama dhe masnin tabanin e këpucëve të tij, ndërkohë kur rajoni ka mjaft lajme edhe tragjike për të raportuar…
/tesheshi.com/
Ja faqet e para të gazetave
