Gjithmonë e më shumë bare të llojeve të ndryshme po hapen gjatë kohëve të fundit në Japoni, me ambiente dedikuar llojeve të ndryshme të aktiviteteve apo kafshëve. I fundit prej tyre është hapur në Tokio dhe protagonistët e tij janë iriqët e vegjël të tokës, pra, jo të detit.
Këto kafshë janë me shumicë në Japoni, por pamja e tyre e shëndoshë dhe e ëmbël ka vjedhur zemrat e shumë personave, të cilat i mbajnë si kafshë në shtëpitë e tyre. Kjo është edhe arsyeja pse është krijuar për herë të parë Hedgehog Cafe (lokali i iriqëve), i quajtur Harry.
Mjaftojnë 8 euro për të qëndruar një orë në barin Harry, ku mund të përkëdhelni rreth 30 iriq të racave të ndryshme. Gjithashtu mund të adoptoni një prej këtyre kafshëve e ta merrni në shtëpi. Ka një vend enkas për iriqët që mund të adoptoni, ku tregohet lloji dhe gjinia e kafshës.
Zakonisht të gjithë iriqët në bar janë shumë miqësor dhe të dashur, por mund të ndodhë, nëse nuk jeni të kujdesshëm, që të shpoheni prej tyre. Kjo është arsyeja që vetë stafi iu tregon klientëve sapo ata hyjnë, se si të bëjnë kujdes që të mos kenë të papritura. /tesheshi.com/
