Francesco Totti vërtet zhvilloi ndeshjen e lamtumirës mes lotëve në Romë, por ende nuk e ka thënë me gojën e tij, nëse do të vazhdojë të luajë futboll, apo do të konsiderohet i tërhequr e do të marrë një post drejtimi në klubin e Romës.
E për sa kohë nuk ka konfirmime, mund të ketë dhe hamendësime. Një lajm i fundit ka mbërritur nga Japonia e largët: Totti mund të luajë me Tokyo Verdy. Mundësinë e ka lënë të hapur presidenti i kësaj skuadre, Hideyuki Hanyu, i cili ka deklaruar se agjentët e 40-vjeçarit, i kanë thënë se opsioni i transferimit të Tottit, është marrë në konsideratë e po shqyrtohet.
Presidenti japonez konfirmoi se agjentët e italianit e kanë siguruar se nuk do të pranojnë asnjë prej disa ofertave të mbërritura nga Los Angeles apo Miami.
Tashmë “topi” i ka kaluar legjendës italiane, e është ai që, ose do ta xhonglojë, ose do ta godasë “në portë”, ose do të japë asist…ose do ta marrë me vete në shtëpi. /tesheshi.com/
