Rusia i është përgjigjur menjëherë manovrës ushtarake të NATO-s në Serbi, duke publikuar pamje të tankeve serbe në Rusi.
Është portali i Kremlinit Sputnik, i cili menjëherë në edicionin e sotëm, i është përgjigjur lajmit që ka mbirë dje në të gjitha mediat e Beogradit për zhvillimin më të rëndësishëm politik të ditës, siç ishte zhvillimi i manovrës së parë të Aleancës së Atlantikut të Veriut në territorin serb.
Sputnik publikon një reportazh të gjatë nga kompleksi ushtarak “Alabino” në afërsi të Moskës, ku u zhvillua një festival tankistësh nga të gjitha aleatët e Moskës dhe ku çuditërisht është skualifikuar ekipi serb.
Ekipi serb i tankistëve ka zënë vendin e katërt në play-off festival pas Azerbajxhanit dhe Kirgistanit, duke u eleminuar.
Sasha Stojiljkoviç, Zëvendës Shefi i ekipit serb, deklaroi për Sputnik që “ne kaluam shumë mirë këtu dhe e ndjemë veten si në shtëpinë tonë”.
Është interesant fakti që Sputnik ka hequr edhe sondazhin nga faqja e tij, ku bënte thirrje serbëve të votonin që ku e shikonin veten më mirë: në aleancë me SHBA apo me Rusinë.
Deri ditën e djeshme rezultatet e votimit ishin 84% me Moskën.
Por menjëherë erdhi përgjigja e amerikanëve që publikuan lajmin e as më pak e as më shumë por të një stërvitjeje të madhe të NATO-s në Serbi.
Dhe ky lajm u bë në një kohë kur policia e Kosovës arrestoi 11 shtetas rusë e serbë që kanë hyrë në territorin e Kosovës në mënyrë të paligjshme.
Ky grup dyshohet se ka hyrë për qëllime subversive, ndërsa Sputnik deklaron se nuk ka asnjë transparencë nga Prishtina për këtë operacion policor.
Është e disata herë që në Kosovë kapen grupe rusësh që më pas kanë rezultuar se janë pjesëtar të shërbimeve sekrete të Moskës.
Por kjo herë ka të veçantën e saj, pasi bëhet në një moment delikat për Kosovën në vakum pushteti dhe në një paqartësi të madhe se kush do të jetë në qeverisjen e ardhshme.
Milaim Zeka, gazetari që është tashmë deputet i koalicionit PAN, dhe që ka shpallur hapur ambicjen për të qenë kryetar i Kuvendit të Kosovës, deklaronte në faqen e tij në Facebook, se ka një tentativë të shërbimeve ruse e serbe për të sjellë trazira në Kosovë.
Në këtë festival tankesh kanë marrë pjesë shtetet që nihen si “armiqtë” e SHBA dhe NATO-s, të cilët janë Armenia, Kazakistani, Bjellorusia, Mongolia, India, Irani, Venezuela Kina etj.
Finalja e kësaj manovre do të zhvillohet më 12 gusht.
Nuk duhet nëse ekipi serb është skualifikuar “politikisht” apo ushtarakisht sepse siç bën të ditur Sputnik, vitet e shkuara skuadra e tankistëve serbë ka zënë gjithmonë renditje të lartë.
/tesheshi.com/
