Për të shmangur problemet me peshën, fëmijët në Akademinë e Baletit Shtetëror të Vjenës inkurajohen të pinë duhan, raporton BBC.
Komiteti Special po heton pohimet se Akademia po rrezikonte shëndetin e nxënësve.
Ata dyshohet se ishin të ekspozuar ndaj ushtrimeve të ashpra dhe shfaqjeve ekstreme.
“Eshtë e qartë se fëmijët dhe adoleshentët nuk mbrohen sa duhet nga diskriminimi, neglizhenca dhe efektet e pafavorshme mjekësore,” vuri në dukje raporti i komisionit.
U tregua se seancat e trajnimit ishin të kontrolluara dobët dhe “rrezikuan shëndetin e nxënësve”.
Opera Shtetërore e Vjenës ka thënë se numri i shfaqjeve është zvogëluar dhe do të merret me raportin në detaje para se të jepte një përgjigje të plotë për publikun.
Akademia ekziston që nga viti 1771 dhe është një nga shkollat më prestigjioze të baletit evropian.
Një numër i diplomuarve të saj performojnë për grupe me famë botërore si Royal Balet i Londrës dhe Teatri i Baletit Amerikan në New York.
Skandali u godit për herë të parë në media këtë vit. Një gazetë austriake publikoi një studim ku pretendonte se disa valltarë të rinj ishin abuzuar dhe gërvishtur fizikisht dhe disa ishin përqeshur për pamjen e tyre.
Ministri austriak i Kulturës, Alexander Shallenberg tha në atë kohë që shteti do të reagonte fuqishëm për të përcaktuar se çfarë kishte ndodhur, sipas BBC. /tesheshi.com/
