Autoritetet serbe kanë liruar nga burgu kosovarin, Hilmi Kelmendi, i cili është arrestuar mes të premtes dhe të shtunës për gjoja krime lufte të kryera në Kosovë gjatë viteve 1998-99.
Lirimin e Kelmendit e ka konfirmuar, avokati i tij Sead Spahoviq.
Kelmendi aktualisht është në përfundim të procedurave rutinore dhe pas dy orësh pritet dalja nga burgu. Në qendrën e paraburgimit për ta marrë do të shkojë shefi i zyrës ndërlidhëse të Kosovës në Beograd, Valdet Sadiku.
Ndaj Kelmendit ditë më parë gjykata vendosi masën e paraburgimit prej 30 ditësh, por për dallim nga kryepolici i Mitrovicës, Nehat Thaçi që qëndroi kaq kohë në burg, qytetarit nga Gjakova u lirua shumë më shpejt. /tesheshi.com/
