Në një krizë të shkaktuar nga përhapja e një pandemie, Organizata Botërore e Shëndetit (OBSH) po bën një punë të mirë, u tha nga Moska duke iu përgjigjur kritikave për këtë organizatë që vijnë nga Shtetet e Bashkuara.
“Unë mendoj se OBSH po përmbush rolin e saj si një agjenci që udhëheq dhe koordinon politikat shëndetësore,” i tha ministri i Jashtëm Sergei Lavrov.
“Po, nuk është ideale, por askush nuk është i përsosur,” shtoi ai.
Në fillim të këtij muaji, Presidenti amerikan Donald Trump njoftoi se vendi i tij do të ndalonte së paguari në buxhetin e OBSH-së, duke pretenduar se mijëra jetë humbën sepse kjo organizatë keqmenaxhoi krizën, pasi iu referuar informacioneve nga Kina, ku sëmundja kaloi për herë të parë nga kafshët te njerëzit.
Trump ka pohuar se gabimet e OBSH-së kanë lejuar që virusi të shndërrohet në një pandemi në të cilën miliona njerëz janë të infektuar në të gjithë botën, me afro 200,000 të vdekur.
Por Lavrov mendon se këtokritika nuk kanë të bëjnë fare me veprimet e OBSH-së.
“Sipas mendimit tim, sulme të tilla shërbejnë për të justifikuar qasjen tonë të vonuar dhe të papërshtatshme.”
Trump është kritikuar për mosmarrjen seriozisht të përhapjes së Covid-19 dhe për lënien e shërbimeve shëndetësore federale të papërgatitur për epideminë. /tesheshi.com/
