Pas krijimit të grupit parlamentar republikan, ku Fatmir Mediut iu huazuan 6 deputetë të PD-së për të plotësuar numrin e nevojshëm të ligjvënësve, bazuar në rregulloren e Kuvendit, duket se aleatët e partisë më të madhe të opozitës, ndjehen të tradhëtuar.
Nard Ndoka, kryetar i PDK-së, e konsideroi vendimin për krijimin e grupimit parlamentar të PR-së, si të njëanshëm, ndërsa akuza bie mbi Lulzim Bashën.
Ndoka tha se bashkë me dy deputetët e tjerë të opozitës, Vangjel Dule dhe Dashamir Shehi, brenda 6 muajve do të kërkohet zyrtarizimi i grupimit të qendrës së djathtë në Parlament.
Kreu i PDK-së tha se ai dhe dy deputetët, Dule dhe Shehi, nuk janë shtojca të grupit parlamentar të PD-së. /tesheshi.com/
