Pas Kongresit të PS-së, Kryetari i Lëvizjes Socialiste për Integrim, Ilir Meta i pyetur nëse Blushi është një rikthim i një skenari Meta-Nano, deklaroi në një prononcim për mediat se PS është një parti e madhe dhe debati është i natyrshëm, sepse në përgjithësi debati është diçka e re, apo debati është një herezi.
“Ne debate kemi pasur vazhdimisht brenda koalicionit për çështja të caktuara, brenda grupeve parlamentare. Nuk ka asgjë për t’u shqetësuar, por PS ka të gjitha eksperiencat besoj për ta zhvilluar debatin gjithmonë në mënyrë demokratike dhe për të përfituar nga debati, dhe jo vetëm PS, por i gjithë vendi, sepse është forcë kryesore qeverisëse”, tha Meta. /tesheshi.com/
