Drejtorët e spitaleve rajonale duket se i janë përgjigjur thirrjes së Kryeministrit Edi Rama për të dhënë dorëheqjet nga postet që mbajnë.
Burime nga Ministria e Shëndetësisë bëjnë të ditur se rreth 60 % e drejtuesve të spitaleve rajonale në vend kanë paraqitur dorëheqjet te zv.ministrja e Shëndetësisë, Mira Rakacolli.
Vendimi i drejtorëve të dorëhequr të spitaleve rajonale ka ardhur në më pak se 1 javë nga dita kur Kryeministri Edi Rama i kërkoi që të largoheshin, duke e cilësuar këtë vendim si fillimin e ndryshimit të situatës në spitalet shtetërore, qofshin ato Rajonale apo Bashkiake.
“Asgjë nuk e justifikon dhe asgjë nuk e kapërcen dot ndjenjën e turpit për shtetin që spitalet të mos jenë shembuj pastërtie dhe higjiene. Kjo është A-ja për çdo mjedis të shërbimit publik. Dhe për spitale kjo është A-ja me e madhe. Përgjegjësinë për këtë e kanë drejtorët e spitaleve. Drejtorët e spitaleve pis dhe mjediset e spitaleve pis.
Çfarë janë këtë të paprekshmit që i lejojnë vetës që të rrinë më shumë nëpër kafen sesa tek detyra. Kush ua ka dhëne këtyre këtë paprekshmëri, dmth ju. Sillen me detyrën sikur janë në tokë private. Por sikur janë agallarë që përtojnë tu hedhin sy skllevërve. Shfrytëzimi i shtratit në spitalet bashkiake në ato rajonale është i ulët dhe ka nevojë për transpirimin. Për tiu përgjigjur nevojave të njerëzve, dhe e gjithë mënyra se si sherbehet shpërndarja per përkujdesët spitalorë është problematike.
E gjitha kjo është se shqiptarët përdorin një pjesë të vogël të atyre shërbimeve për të cilat dhe ata paguajnë. Kjo sjell që dhe kërkesa për spital në nivel rajonal.
Largimi juaj menjëherë nesër nga detyra nuk është zgjidhje e këtij problemi është vetëm fillimi i zgjidhjes”, tha Rama në takimin me drejtuesit e spitaleve në vend. /tesheshi.com/
