Pas Kavajës, kreu demokrat Basha rendi drejt Shkodrës në një përpjekje për të mobilizuar elektoratin në protesta, si dhe për atë të madhen në Tiranë më 26 shkurt.
Basha zgjodhi të hyjë në njësi të ndryshme tregtare, e gjithashtu të takohej me popullin e thjeshtë, duke marrë prej tyre ankesa ndaj qeverisë e ofruar recetën e zgjidhjes nëpërmjet reagimit.
Përballë një gruaje të quajtur Lumturi, e cila i rrëfeu kryedemokratit dertet e saj jetësore për të cilat bëri përgjegjëse qeverinë, Basha tha:
“Shkodra, ti Lumturi dhe Shqipëria keni shpresë. Mjafton të bëhemi të gjithë bashkë dhe të merrni fatin tuaj në duart tuaja. Kjo është ftesa për 16 shkurtin. Më 16 shkurt të bëjmë një betejë që të rikthejmë një qeverisje që mendon për vendin dhe jo për veten e vetë”. /tesheshi.com/
