Italia do të përballet këtë muaj me një referendum të diskutueshme të planifikuara nga rajoni i Lombardisë dhe qyteti i Venecias, shkruan britanikja Express, sipas të cilës ato kërkojnë një autonomi më të madhe nga qeveria qendrore me seli në Romë.
Referendumet do të mbahen më 22 tetor me leje të qeverisë në Romë, përmes një dekreti qeveritar.
Referendumi në fillim shihej si shumë simbolik, por tani ai ka ngritur shumë polemika pas kaosit të shkaktuar të dielën në Katalonja.
Referendumi i autonomisë për Lombardinë, një rajon që përfshin qytetin e dytë më të madh të Italisë në Milano dhe ai në qytetin e Venecias gjithashtu do të ndryshojë nga Katalonia sepse ato nuk janë të detyrueshme.
Referendumet do t’i kërkojnë votuesit nëse duan që këshilli i tyre rajonal të thirret bazuar në paragrafin e tretë të nenit 116 të Kushtetutës italiane.
Kjo lejon që rajonet me një buxhet të balancuar t’i kërkojnë qeverisë italiane t’u besojë atyre fuqi shtesë dhe një shkallë më të lartë autonomie.
Por kritikët e këtyre dy referendume, druajnë se këto mund të jenë fatale për unitetin e Italisë, duke shkaktuar lëvizje të tjera të separatistëve në të gjitha shtetet e Bashkimit Evropian./tesheshi.com/
