Tërmeti ka goditur këtë herë Ekuadorin, duke lënë më së paku 41 të vdekur. Një lëkundje e fuqishme, me magnitudë 7.8 ballë, është ndjerë në bregun veriperëndimor të Paqësorit në Ekuador.
Epiqendra e tërmetit të mbrëmjes së të shtunës, më i fuqishmi në shumë dekada, qe 27 kilometra në jug-juglindje të Misnes, një zonë bregdetare.
Tërmeti ka shkaktuar dëme të konsiderueshme si aty ku pati epiqendrën, por edhe në Guajakil, në
qytetin më të populluar të Ekuadorit. Lëkundjet u ndjenë dhe në kryeqytetin e vendit, në Kito.
Pjesë të kryeqytetit mbetën për shumë kohë pa energji elektrike, ndërsa në Manta pati mbyllje të aeroportit për shkak të shembjes të kullës së kontrollit.
Pas tërmetit nuk ka patur alarm për cunami, por në gjashtë provinca është shpallur gjendja e jashtëzakonshme.
Tërmeti vdekjeprurës në Ekuador pason ato të mesjavës në Japoni. Dy tërmete të njëpasnjëshme goditën të enjten dhe të premten pjesën jugore të Japonisë, duke u marrë jetën dhjetëra personave e duke plagosur qindra të tjerë, përpos shkatërrimeve në objekte e rrugë. /tesheshi.com/
