Shefi i Pentagonit Kevin Sweeney dha dorëheqjen vetëm pak javë pas dorëheqjes së Sekretarit të Mbrojtjes James Mattis, konfirmoi të dielën Departamenti Amerikan i Mbrojtjes.
“Pas dy vjetësh në Pentagon, vendosa që ishte koha e duhur për t’u kthyer në sektorin privat”, tha Sweeney, i cili ka qenë në këtë post që nga janari 2017.
“Ishte një nder për të shërbyer dhe punuar krah për krah me njerëz nga Ministria e Mbrojtjes”, shtoi ai.
Dorëheqja e Sweeney vjen pas asaj të Mattis, i cili dha dorëheqjen më 20 dhjetor, pasi Presidenti Trump njoftoi tërheqjen e trupave amerikane nga Siria.
Mattis, i cili ishte në krye të Pentagonit për dy vjet, synonte të largohej në shkurt, por Trump vendosi ta zgjidhë atë më parë, pas letrës së mprehtë të Mattis, në të cilën, me dorëheqjen, shprehu dhe mosmarrëveshje me presidentin.
Mattis do të zëvendëshet nga Patrick Shanahan, nr.2 i Mbrojtjes amerikane.
Matiss vendosi të largohet pas vendimit të papritur të Trump për të tërhequr të gjithë ushtarët amerikanë nga Siria, si dhe gjysmën e 14,000 ushtarëve nga Afganistani.
Trump shpjegoi vendimin me koston e lartë të angazhimit në jetën e ushtarëve amerikanë dhe të parave të taksapaguesve. /tesheshi.com/
