Shpërthen Ngjela pas intervistës së Metës në Zërin e Amerikës.
Në një postin në faqen e tij në facebook, avokat Ngjela e ka konsideruar gazetaren Afërdita Simiçia një shqiptare me dinjitet, ndërsa ndaj kreut të Kuvendit ka përdorur fjalët më të rënda: “hajdut e abuzues”.
“Spikeria shqiptarë e Zërit të Ametikës, iu kujtoi shqiptarëve mbrëmë se ata nuk janë vetëm; kur e diskreditoi Ilir Meten si hajdut, si abuzues dhe si një njeri që duhet të tërhiqet nga politika si abuzues”, shkruan Ngjela që kërkon reagim nga shqiptarët.
“Po të ishin në emancipimin e duhur, sot nuk duhej ta linin Metën që të hynte në zyrë; dhe as të hynte në pallatin apo pallatet e tij të ndërtuara me gjakun e shqiptarëve. Në fund të fundit, politika perëndimore dhe ajo amerikane në vëçanti po na ndihmojnë maksimalisht; tani duhet pritur se çfarë do të bëjnë shqiptarët…”, shkruan kreu i partisë “Ligj dhe Drejtësi”, i cili vijon: “Kur pashë shqiptaren mbrëmë, që diskreditoi mizerabilitetin shqiptar si gazetare e Zërit të Amerikës, m’u kujtua vargu i famshëm i Fan Nolit: “Nëno mos kij frikë, se ke djemt’ në Amerikë”. Sa i vërtetë ka dalë ky varg! Dhe sërish është në kohë. /tesheshi.com/
