Shqipëria është ndalur nga Portugalia, por ëndrra për të shkuar në europianin “Francë 2016” vazhdon ende. Rivali direkt i kuqezinjve, Danimarka ka barazuar me Armeninë pa gola dhe I mbetet vetëm një mundësi për të shënuar dhe për të kërkuar kualifikimin.
Danezët do përballen pikërisht me luzitanët në sfidën e fundit të grupit I, deri sa “shqiponjat” kanë edhe gjashtë pikë në dispozicion pasi përballen me Serbinë në ndeshjen e radhës e pastaj në transfertë me Armeninë.
Këto janë variantet si Shqipëria mund të kualifikohet në Europian:
– Danimarka duhet të humbasë ndeshjen e fundit përballë Portugalisë, ndryshe danezët do jenë katër pikë para kuqezinjve që duhet t’i fitojnë dy ndeshjet e fundit ndaj Serbisë dhe Armenisë nëse dëshirojnë të jenë pjesë e Europianit.
– Në rast se Danimarka barazon në Portugali, sërish “shqiponjat” duhet t’i fitojnë dy ndeshjet e fundit ose të paktën njërën nga to, pasi Danimarka do ishte dy pikë para Shqipërisë.
– Në rast të humbjes së Danimarkës ndaj Portugalisë, djelmoshave të De Biasit do i mjaftonin dy barazimet në ndeshjet e fundit. Varianti i pikëve, Shqipëria 14, Danimarka 13. /tesheshi.com/
