Orë pas ngjarjes së rëndë të vrasjes së ambasadorit rus në Ankara, në Stamboll ka qenë ditë gëzimi kombëtar, pasi në Ngushticën e Bosforit në Stamboll, u inagurua tuneli i parë nënujor për kalimin e automjeteve, i fundit nga një seri projektesh të ndërmara për të transformuar infrastrukturën në qytetin historik e gjigand prej 18 milion banorësh. Tre vitë më parë, në tetor 2013, Turqia hapi tunelin hekurudhor ”Marmaray”, rruga e parë nën det që lidhi brigjet evropiane dhe aziatike
E duke nisur që nga kjo e martë, do të jetë i mundur kalimi me makinë nën Bosfor, në sajë të këtij projekti që parashikon të lehtësojë trafikun shumë të dendur të Stambollit, një nga megapolet më të famshme të botës.
Tuneli “Avrasya” (Euroazia) është 5,4 kilometra i gjatë, ku 3,4 kilometra të të cilit janë nën Bosfor. Ky tunel nënujor do të mundësojë lidhjen mes dy brigjeve në 15 minuta, nga një orë e 30 minuta deri në dy orë në momente trafiku”, konfirmoi Ahmet Arslan, ministër i Transporteve, i cili parashikon kalimin e 120 000-130 000 automjeteve në ditë.
Në inagurimin e kësaj vepre gjigande ishte i pranishëm presidenti Erdogan, kryeminitri Yldirim, si dhe zyrtarë të tjerë të lartë vendas e të huaj, të ftuar për këtë ceremoni. /tesheshi.com/
