Disa mijëra banorë të Houstonit, i cili prej disa ditësh po vuan pasojat e uraganit “Harvey” kanë lënë shtëpitë e tyre.
Një pjesë e të zhvendosurve kanë gjetur strehë brenda xhamive lokale.
“Ata nuk janë vetëm njerëz nga komuniteti musliman. Ne po i mirëpresim të gjithë pa përjashtim”, thotë M.J. Khan, President i Shoqatës Muslimane të Houstonit.
Sipas tij, aktualisht janë disa xhami në zonën e Houstonit që po ofrojnë strehim, ushqime dhe furnizime të tjera për qindra njerëz në nevojë.
“Nuk janë vetëm të rriturit, meshkujt dhe femrat e shëndoshë , ka njerëz të moshuar dhe fëmijë të vegjël, që kanë nevoja të ndryshme”, shprehet ai.
Shoqata filloi të organizojë mbledhjen e ndihmave më herët, përpara se stuhia të zbriste mbi shtetin e Houstonit gjatë fundjavës.
Duke përdorur mediat sociale, shoqata kërkoi donacione për furnizim dhe u bëri thirrje banorëve të zonave përreth që të organizohen sa më masivisht në mënyrë vullnetare.
Khan thotë se ata që kanë kërkuar ndihmë u befasuan nga dashuraë dhe kujdesi që po marrin nga vullnetarët, disa prej të cilëve edhe vetë janë zhvendosur. Edhe ai vetë shprehet se është prekur personalisht nga angazhimet e vullnetarëve.
Kur ai sugjeroi që disa vullnetarë të çlodhen, ata ishin përgjigjur: “nuk mund të flemë deri sa këta njerëz të jenë në shtëpitë e tyre”.
“Kam parë histori të ndryshme ku njerëzit po hapin zemrat e tyre në këto ditë të vështira. Është e mahnitshme kur shikon se sa kapacitet kanë njerëzit për të ndihmuar njëri-tjetrin”, shprehet Khan. /tesheshi.com/
