Pas Greqisë, edhe Italia ka ofruar ndihmën e saj për shuarjen e zjarreve në Shqipëri. Mësohet se avionë zjarrfikës do të nisen nga Puglia për të ndihmuar zjarrfikësit shqiptarë në përballimin e situatës.
Në 24 orët e fundit u evidentuan 25 vatra zjarri në 5 qarqe të vendit, duke e bërë situatën edhe më alarmante. Ministrisë i Jashtëm, Ditmir Bushati, është angazhuar me homologët e tij grekë dhe italianë, për të siguruar mbështetjen me avionë zjarrfikës.
Sikundër raportohet të dy vendet fqinje kanë garantuar ndihmën e tyre, ndërsa në terren krahas ekipeve të zjarrfikësve janë angazhuar edhe trupa të Gardës së Republikës dhe Forcat e Armatosura. /tesheshi.com/
