Pasi ka cituar pak ditë gjyshen e tij e me pas Artistotelin, kryeministri Edi Rama zgjedh të citojë Winston Churchillin, gjithnjë duke iu referuar situatës politike, e veçanërisht kundërshtarëve politikë në aleancë, PD-LSI, së bashku me personazhet e tyre ku veçon presidenti Meta.
“Problemet pas fitores janë më të kënaqshme se sa ato pas humbjes, por jo më pak të vështira”, shkruan Rama, një thënie që shkon për PD-në dhe protestën e paralajmëruar prej saj për të hënën.
Më parë, duke cituar gjyshen, pat thënë, referuar sjelljes së oopozitës pas 30 qershorit se “gjyshja ime thoshte po s’e kuptove pse ke humbur, s’e kupton dot pse tjetri ka fituar dhe humbet prapë. Ndërsa unë për vete kam mësuar që kur fituesi nuk kupton se ka fituar ngaqë dikush tjetër ka humbur, atëherë ai rrezikon ta humbasë fitoren e tij”.
Ndërsa referuar sjelljes së presidentit Meta, Rama thirri në ndihmë Aristotelin.
“Çdokush mund të inatoset – kjo është kollaj, por të inatosesh edhe me njeriun e duhur, edhe në masën e duhur, edhe në kohën e duhur, edhe në mënyrën e duhur, kjo jo, kjo nuk është e lehtë dhe jo çdokush e ka këtë fuqi”. /tesheshi.com/
