Presidenti i gjigantit të futbollit turk Galatasaray, Mustafa Cengiz është shtruar sot në spital për dobësi të fortë dhe humbje të papritur të peshës, raportojnë mediat turke.
Administrata e kampionit turk Galatasaray tha që ekzaminimet mjekësore dhe testet treguan se problemet shëndetësore të Cengiz nuk kishin lidhje me COVID-19.
“Cengiz mori dy doza gjaku. U vendos që të qëndrojë në trajtim në spital”, thuhet në deklaratë.
Kujtojmë se trajneri i Galatasaray-it, Fatih Terim rezultoi pozitiv me koronavirus muajin e kaluar, dhe eksperti karizmatik i futbollit u shërua pas një muaji trajtimi. /tesheshi.com/
