Aksioni i Policisë së Shtetit, ku janë përfshirë edhe FNSH dhe RENEA është shtrirë në qytetin e Sarandës.
Pas Elbasanit dhe Vlorës, Saranda është qyteti i tretë ku po zhvillohet operacioni “Vjeshtë 2017” që synon goditjen e elementëve kriminalë dhe sekuestrimin e aseteve të krimit.
Ashtu si në dy qytetet e tjera, edhe në Sarandë policia po ushtron kontrolle në zonat problematike, makinat luksoze apo bizneset që ka dyshime për veprimtari kriminale.
Operacioni i koduar “Vjeshtë 2017” do të shtrihet në të gjithë vendin, ku ka për qëllim arrestimin e personave në kërkim dhe për kontrollin e automjeteve të shtrenjta. /tesheshi.com/
