Pas gati dy dekadash të luftës që ka vrarë dhjetëra mijëra njerëz, bisedimet e paqes midis qeverisë afgane dhe Talibanëve janë hapur në kryeqytetin e Katarit, Doha.
Duke filluar ceremoninë e hapjes, Ministri i Jashtëm i Katarit Sheik Mohammed bin Abdulrahman Al Thani tha se palët ndërluftuese duhet “të ngrihen mbi çdo formë të ndarjes … duke arritur një marrëveshje mbi bazën që askush nuk është fitues dhe askush i mundur”.
Ekipi negociator i 21 anëtarëve të qeverisë afgane drejtohet nga Masoom Stanekzai, një ish-shef i inteligjencës. Talibanët drejtohen nga Mawlavi Abdul Hakim, ndërmjetësi i kryesor i grupit dhe një ndihmës i ngushtë i udhëheqësit të grupit Haibatullah Akhunzada.
Pompeo: “Negociatat do të jenë të vështira”
Sekretari i Shtetit Mike Pompeo paralajmëroi se negociatat e shumëpritura të palëve ndërluftuese në Afganistan ka të ngjarë të jenë të vështira, por theksoi se ato janë mënyra e vetme për vendin për të ecur përpara pas dekadave të konfliktit.
Fillimi i bisedimeve do të jetë kryesisht ceremonial, para se ekipet negociuese të fillojnë detyrën e vështirë për hartimin e një udhërrëfyesi për Afganistanin e pasluftës.
Negociatat brenda-afgane pasohen nga një marrëveshje paqeje e nënshkruar nga Shtetet e Bashkuara dhe Talibanët në 29 shkurt në Doha, me qëllim përfundimin e luftës dhe tërheqjen e trupave amerikane.
Trump premtoi të tërhiqte trupat
“Na u desh më shumë se sa donim, por ne presim që të shtunën në mëngjes, për herë të parë në pothuajse dy dekada, afganët të ulur në një tryezë së bashku do të jenë të gatshëm të negociojnë se si ta çojnë vendin e tyre përpara, për të zvogëluar dhunën dhe të sigurojnë atë që po kërkojnë njerëzit e Afganistanit,” tha Pompeo në aeroplan gjatë rrugës për në Doha.
Presidenti Trump premtoi të tërhiqte trupat amerikane nga Afganistani para zgjedhjeve presidenciale 2016.
Në prag të zgjedhjeve presidenciale të nëntorit, Uashingtoni rriti presionin për të filluar bisedimet brenda-afgane.
Të enjten, Trump i quajti bisedimet “emocionuese” dhe tha se Uashingtoni pret të zvogëlojë numrin e trupave në 4,000 deri në nëntor.
Uashingtoni filloi tërheqjen e trupave pasi marrëveshja u nënshkrua në shkurt.
Tërheqja e trupave të mbetura nuk varet nga suksesi i negociatave brenda-afgane, por nga angazhimi i bërë nga Talibanët për të luftuar grupe të tjera që mund të kërcënojnë Shtetet e Bashkuara dhe aleatët e tyre.
Pompeo theksoi se Shtetet e Bashkuara janë të gatshme të kthejnë trupat në Afganistan nëse shohin një kërcënim dhe Talibanët heqin dorë nga detyrimet e tyre. /tesheshi.com/
