Pasi kanë kaluar dy ditë nga dështimi i takimit mes kreut të qeverisë, Edi Rama dhe kreut të opozitës, Lulzim Basha, kanë qenë ambasadori i Shteteve të Bashkuara të Amerikës në Tiranë, Donald Lu dhe ambasadorja e Bashkimit Europian, Romana Vlahutin, ata që kanë takuar veç e veç kreun e reformës në drejtësi, Fatmir Xhafa.
I pari ka qenë Donald Lu ai që paraditen e sotme mbërritur në Kryesinë e Kuvendit, ku është takuar me kryetarin e reformës në drejtësi, socialistin Fatmir Xhafa. Mësohet se takimi i Lu vjen në shenjë përpjekje për gjetjen e një 
konsensusi të mundshëm mes mazhorancës dhe opozitës lidhur me miratimin e reformës në drejtësi sa më parë.
Pas tij ka vijuar vizita e zonjës Vlahutin, në kuadër të përpjekjes për gjetjen e konsensusit mes mazhorancës dhe opozitës lidhur me miratimin e reformës në drejtësi. /tesheshi.com/
