Pas deklaratave të ambasadorit amerikan Donald Lu, kanë ardhur edhe arrestimet e para në lidhje me incidentin e ndodhur në Elbasan, ku një makinë e blinduar përplasi automjetin e policisë, ku ndodhej edhe zv.drejtori i Elbasanit.
Burimet policore bëjnë të ditur arrestimin e shtetasit Enea Bekteshi, që dyshohet të keteë qenë në makinën Audi, që perplasi makinën makinën e zv.drejtorit të Policise së Elbasanit.
Sipas informacioneve paraprake, Bekteshi u arrestua në Cërrik.
Enea Bekteshi figuron në shkresën që Prokuroria i kërkonte policisë t´a vinte në përgjim si pjesë e një bande të rrezikshme kriminale në qytetin e Elbasanit. Ai dyshohet se është pjesë e grupit të njohur si banda “Çela” që muaj më parë qëlloi me antitank biznesin e fisit Çapja, me të cilët kanë përplasje.
Opozita akuzonte se në makinën Audi ndodhej Suel Çela, djali i Petrit Çelës, pronarit të Tregut Agroushqimor dhe shoku i Sokol Sanxhaktari, qe është dhëndrri i kryetarit të Bashkisë së Elbasanit, Qazim Sejdini.
Prej ditesh forcat speciale janë përqëndruar në Elbasan. /tesheshi.com/
