Të paktën tre persona gjetën vdekjen në kufirin gjermano-francez si pasojë e një aksidenti në lumin Rhein. Ndër viktimat ishin një vajzë 6-vjeçare dhe një person që u hodh në ujë në një përpjekje për të shpëtuar viktimat nga anija gomës që po përmbytej.
Sipas qendrës shpëtuese “Bas-Rhin”, një varkë e vogël gome ku ishin 4 anëtarë të një familjeje (dy të rritur dhe dy fëmijë) u rrokullisën në drejtim të digës Gerstheim në Rhein. Disa njerëz u hodhën në ujë për të shpëtuar personat që ishin në varkë.
Përveç tre të vdekurve, ata po kërkojnë edhe një vajzë të zhdukur nga anija.
Ekipe të shumta të shpëtimit nga Gjermania dhe Franca janë duke punuar në të dy anët e lumit, dhe në dispozicion janë vënë edhe helikopterë e zhytës.
Aksidenti ndodhi një ditë pas një tragjedie në lumin Danub në Budapest, ku të paktën shtatë vetë vdiqën si pasojë e përmbytjes së një anijeje turistike. /tesheshi.com/
