Kryebashkiaku i Londrës, Sadiq Khan ka paralajmëruar sot publikun britanik mbi rritjen e mundshme të sulmeve raciste dhe ksenofobi ndaj myslimanëve, pas vendimit historik të Britanisë së Madhe për të lënë Unionin Evropian.
Sipas “The Guardian”, Khan ka deklaruar sot se “është i shokuar nga sulmet ksenofobe ndaj pjesëtarëve të komunitetit të tij fetar, gjatë ditëve të fundit”.
Khan ka deklaruar se i ka dorëzuar një paralajmërim policisë për shkak të incidenteve të motivuara në baza racore.
“Është me rëndësi të ballafaqohemi me çdo lloj krimi të urrejtjes dhe ngacmimit të atyre që shfrytëzuan referendumin e javës së kaluar si pretekst për të na ndarë. Kam kërkuar nga ana e policisë që të jenë veçanërisht të kujdesshëm tani dhe ju bëj thirrje gjithë qytetarëve të Londrës që të qëndrojnë të bashkuar në qytetin tonë të madh. Do të tregojmë zero tolerancë ndaj çfarëdo shpërthimi të urrejtjes”, ka thënë Khan.
Edhe ambasadori i Polonisë në Britani të Madhe, Witold Sobków, sot më herët ka deklaroi se ndihet i shokuar nga abuzimi ksenofobik i komuniteti polak në Britani të Madhe pas Brexi-it. /tesheshi.com/
