Një tjetër shkrim tronditës për Shqipërinë nga revista amerikane Mother Jones, e cila pak më parë publikoi një artikull ku theksonte se lobimi i PD-së në SHBA është bërë me para ruse.
Në artikullin e radhës, Mother Jones siluron LSI-në e Monika Kryemadhit që e akuzon se në lobimin e zhilluar në SHBA ka përdorur një kompani me lidhje ruse.
“Vitin e shkuar, Howard ‘Buck’ McKeon, një ish-kongresmen republikan që kryesonte Komisionin e Shërbimeve të Armatosura në Dhomën e Përfaqësuesve, u pagua për të lobuar në favor të një partie politike shqiptare që donte të lidhej me administratën e presidentit Trump dhe republikanët e kongresit. Por shumica e shërbimeve të firmës mbulohej financiarisht nga një kompani ‘guaskë’ qipriote, Dorelita Limited. Mbulimi nëpërmjet firmës ishte krijuar nga një avokat qipriot, i specializuar në krijimin e korporatave “offshore” dhe që kishte bashkëpunuar me kompani të lidhura me oligarkë rusë”, shkruhet ndër të tjera në artikullin denoncues të Mother Jones.
Ka reguar menjëherë LSI duke mos i quajtur të vërteta këto fakte, e duke e akuzuar më pas kryeministrin Rama se qëndron pas shkrimeve të tilla. /tesheshi.com/
