Edhe presidenti Meta ka tentuar të bëjë politikë me 95-vjetorin e lindjes së të ndjerit At Zef Pllumi. Në fund të një statusi dedikuar kësaj figure klerikale simbol të persekutimit komunist, Meta, ashtu si dhe Basha, e ndërfyt At Zefin në aktualitetin politik, me shënjestër kryeministrin Rama, të gjendur që të dy në një llogore kundër këtij të fundit.
“’Rrno vetëm për me tregue’, veprat dhe dëshmitë e tij të tjera rrënqethëse për krimet dhe monstruozitetin e regjimit komunist, mbeten gjithmonë aktuale si udhërrëfyes, jo vetëm për të njohur me transparencë të kaluarën tonë dhe për të mos ta harruar kurrë atë, por edhe për të na ndihmuar për të luftuar çdo të keqe dhe formë despotike që na largon nga Europa e Bashkuar dhe synon ta kthejë Shqipërinë 30 vite pas”, shkruan Meta. /tesheshi.com/
