Mbrojtësi i përfaqësues shqiptare, Mërgim Mavraj, nuk ka kursyer kritikat ndaj gjyqtarit Eriksen, të cilin e ka vlerësuar si të papërshtatshëm për ndeshjen në fjalë.
Ai theksoi se gjyqtari u ndikua nga tifozët vendës dhe loja teatrale e maqedonasve në rastin e penalltisë.
“Ne kishim ardhur për të fituar dhe duke parë ndeshjen besoj se mund ta realizonim këtë dëshirë dhe ëndërr. Nuk m’u duk si penallti, por ndoshta presioni i tifozëve ndikoi pak.
Nuk e di pse caktojnë një arbitër që i dridhej buza duke folur me ne. Nuk janë gjyqtarët e duhur për këtë situatë. Isha afër lojtarëve maqedonas dhe u thashë se po aktrojnë, sidomos te kartoni i parë. Shumë qesharake, UEFA duhet të mendojë ca gjëra, të mendojë më mirë për gjyqtarin në këto ndeshje”, tha Mavraj. /tesheshi.com/
