Pas barazimit kundër Maqedonisë, në një prononcim për mediat, presidenti i FSHF-së, Armand Duka, tha se Shqipëria nuk meritoi më shumë se barazimi në sfidën ndaj Maqedonisë.
Por presidenti i FSHF-së ka “thumbuar” edhe ish-trajnerin De Biazi pasi deklaroi se Kombëtarja mund të grumbullonte më shumë pikë gjatë këtyre eliminatoreve të vlefshme për botërorin “Rusi 2018”.
“Nuk pati asnjë incident, ishte shumë e qetë. Nuk kemi asnjë vërejtje, përveç fatkit se u lodhëm shumë nga rruga e gjatë deri në Strumicë.
Ndoshta edhe ky udhëtim i mundimshëm ndikoi te lojtarët. Federata e Maqedonisë dhe autoritetet maqedonase deklaruan se nuk garantonin rendin në kryeqytet dhe na çuan në një qytet tjetër.
Por, s’kam çfarë të them, kjo është Maqedonia. Duhet të jemi realistë dhe duhet të themi se barazimi është rezultati më i drejtë.
Objektivi ynë ishte vendi i tretë në grup dhe mendoj se tani e kemi siguruar. Për sa i përket pikëve të grumbulluara, ndoshta mund të kishim marrë më shumë”, u shpreh Armand Duka. /tesheshi.com/
