Përfaqësuesja e Kroacisë mbrëmjen e djeshme nuk shkoi dot më shumë se një barazim përballë Finlandës, në takimin e luajtur në Rijeka në kuadër të Botërorit “Rusia 2018”.
Ky barazim, i arritur me golin e finlandezëve në minutën 90, i ka humbur shanset kroatëve për vendin e pare, që siguron kalimin e drejtpërdrejtë në botëror, pasi është pothuajse e sigurtë, që ky vend i takon Islandës. Kjo e fundit do të luajë përballë përfaqësueses së Kosovës, e cila ka grumbulluar vetëm 1 pikë dhe regjistron 8 humbje rradhazi.
Pas barazimit me Finlandën, federate kroate e futbollit shkarkoi trajnerin Ante Çaçiç, ndërsa në vend të tij është emëruar Zlatko Daliç, një emër jo shumë i njohur.
Ndeshja vendimtare për kroatët do të jetë ajo me Ukrainën, e cila do të luhet më 9 tetor.
Vendin e parë në grupin i e mban Islanda me 19 pikë, ndërsa e dyta Kroacia dhe e treta Ukraina kanë nga 17 pikë. /tesheshi.com/
