Ministria e Drejtësisë bëri të ditur nisjen e proçedurave për zgjedhjen e drejtuesve të rinj të zyrave të hipotekës. Kjo u bë e ditur nga ministrja e Drejtësisë, Etilda Gjonaj, e cila njoftoi hapjen e konkursit për të zgjedhur drejtuesit e rinj në çdo zyre.
Ajo ka ftuar të gjithë ata që e ndjejnë vetën të aftë për të punuar në zyrat e Hipotekave, duke shtuar se ata duhen të jenë shërbyes të qytetarit dhe jo shërbyes të partive politike.
“Reformimin e shërbimeve publike dhe do vijojë më tej me organizmin e personelit. Jemi të vetëdijshëm për shërbimin që ofrohet sot, që ka qenë poshtë kërkesave të qytetarëve. Zhdukja e çdo rasti korruptim na çoi sot në hapjen e konkursit.
Që të kemi në krye të zyrave të hipotekave shërbyes të qytetarit dhe jo shërbyes të partive politike. Ftojmë gjithë qytetarët që mendojnë se përmbushin kriteret të bëhen pjesë e kësaj reforme që sapo ka filluar. Proçesi do të jetë transparent për të zgjedhur profesionistët dhe personat e përshtatshëm. Konkursi është hapi i parë që po hedhim”, tha Gjonaj.
Pak ditë më parë, kryeministri Edi Rama, në mbledhjen e Asamblesë së PS-së, tha se hipotekat u zhytën në llum, duke akuzuar ish-aleatët e tij, LSI dhe PDIU, për punësimet e bëra në institucionet që drejtonin gjatë mandatit të parë qeverisës. /tesheshi.com/
