Deputeti socialist Gjetan Gjetani, ka reaguar pas kërkesës që Partia Demokratike depozitoi në prokurori, ku hedh dyshimet se ligjvënësi në fjalë është objekt i ligjit për dekriminalizimin.
Por deputeti Gjetani përmes një reagimi i cilëson akuzat si shpifje të pastra politike.
Gjetani tha se hera e vetme që ka dalë jashtë kufirit shqiptar ka qenë këtë vit, kur ka qëndruar 10 orë me familjen në Kotorr.
“Unë tani jam njohur me kërkesën e PD, dhe e konsideroj një shpifje të pastër politike. Unë s’kam dalë kurrë jashtë shtetit, për herë të parë kam kaluar kufirin në prill të këtij viti dhe kam qëndruar për 10 orë në Kotorr me familjen”, shprehet Gjetani për Panorama.
Në vijim, ai sqaron “s’kam qenë as në Itali as në Greqi dhe në asnjë vend tjetër të BE. PD mund ta kontrollojë këtë që them unë me anë të sistemit TIMS. Në kohën që i referohet PD unë kam qenë polic këtu në Shqipëri”, tha deputeti i akuzuar nga PD. /tesheshi.com/
