Një ditë pasi Lulzim Basha shpalli listat e kandidatëve për deputet për zgjedhjet e 25 qershorit, nga të cilat ja jashtë emra të njohur mes rradhëve të demokratëve si Jozefina Topallin, Ridvan Boden, Astrit Patozin, Eduart Selamin, Majlinda Bregun, etj në disa nga degët e PD u ngjitën pankartat “Luli ik”, një parrullë kjo e përdorur në vitet 2004-2005 nga kjo parti kundër ish-kryeministrit Fatos Nano. Madje një pankartë e tillë u ngjit edhe në selinë qendrore të demokratëve.
Tashmë pas rreth 3 muajsh e njëjta pankartë është shfaqur në Shkodër. Këtë rradhë, një ditë pas kritikave publike të ish-kryeministrit, Sali Berisha, në drejtim të kreut demokrat, Lulzim Basha.
Berisha foli për herë të parë pa doreza duke bërë një analizë, duke shprehur pakënaqësi dhe duke quajtur këshilltarët e Bashës mizerabël.
Ndoshta ky është paralajmërimi i parë që i bëhet kreut demokrat, që po përpiqet të krijojë një parti sipas vizionit të tij, ndoshta duke u shkëputur nga ndikimi i emrave të veçantë, dhe për të krijuar një profil, për të cilin është kritikuar deri tani se nuk e ka patur. /tesheshi.com/
